پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
شاندێكی باڵای یەكێتی نیشتمانی كوردستان و یەكگرتووی ئیسلامی كوردستان لە سلێمانی كۆبوونەوە و جەختیان لە گرنگیی یەكهەڵوێستی كورد لە بەغدا كردەوە بۆ پاراستنی مافە دەستورییەكان.
ئەمڕۆ شاندێكی یەكێتی بە سەرۆكایەتی ئەمین بابە شێخ ئەندامی مەكتەبی سیاسی و لێپرسراوی مەكتەبی پەیوەندییەكان، سەردانی ئەنجوومەنی جێبەجێكردنی یەكگرتووی ئیسلامی كوردستانی كرد و لە كۆبوونەوەیەكدا رەوشی ئێستای عێراق تاوتوێ كرا.
لە كۆبوونەوەكەدا هەردوولا هاوڕابوون لەسەر ئەوەی پێویستە پێشوازی لە دەستپێشخەریەكان بكرێت و میكانیزمی پێویست بگیرێتەبەر بۆ هێوركردنەوەی رەوشی ئێستای عێراق لەرێی گفتوگۆ و لێكتێگەیشتنەوە.
هاوكات یەكێتی و یەكگرتوو جەختیانكردووەتەوە لەسەر گرنگی هاودەنگی و یەكهەڵوێستی كورد لە بەغدا بۆ پاراستنی مافە دەستورییەكان لە عێراق .