چارەنووسی زیندانیكراوانی بادینان یەكلایی دەكرێتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەوتەی ئەندامێكی تیمی پارێزەرانی داكۆكیكار لە سزادراوان و راگیراوانی بادینان، بڕیارە سبەی دوو شەممە، هەرسێ لایەنی ئەنجومەنی دادوەری و داواكاری گشتی و دەستەی سەربەخۆی مافی مرۆڤ، كۆبوونەوەیەكی چارەنووسساز ئەنجامبدەن، پێشبینی ئەوەش دەكات كۆبوونەوەكە لەبەرژەوندی سزادراوان تەواوبێت.

بەشدار حەسەن ئەندامی تیمی پارێزەرانی داكۆكیكار لە سزادراوان و راگیراونی بادینان بە رۆژنامەنووسانی راگەیاند: بڕیارە سبەی كۆبوونەوەیەكی یەكلاكەرەوە لەنێوان داواكاری گشتی و دەستەی مافی مرۆڤ و ئەنجومەنی دادوەری بەڕێوەبچێت، كەتایبەتە بە پرسی سزادراوانی بادینان و جێبەجێكردنی بریاری ئازادكردنی مەرجدار بۆ بەشێك لەو سزادراوانە.

وتیشی: چاوەڕواندەكرێت لەو كۆبوونەوەیەدا بڕیاری دڵخۆشكەر لەبەرژەوەندی سزادراون دەربچێت، بەتایبەتی دوای مانگرتنی ژمارەیەك لەسزادراوانی بادینان و خراپ بوونی دۆخی تەندروستیان.

ئەو پارێزەرە ئەوەشی وت: ژمارەی ئەو سزادراوانەی لەچاكسازی گەورانی هەولێر مانیان گرتووە دەگاتە 50 سزادراو هەروەها رۆژبەرۆژیش ژمارەكە لە فراوانبووندایە.

قەیوان گروپ

 


مایۆرکا سیتی جوانییەک لە دڵی سروشتدا