پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
باڵیۆزخانەی ئەمریكا لە عێراق رایگەیاند، لە نزیكەوە چاودێری دۆخەدەكەین و داوا لە لایەنە سیسییەكان دەكەین لە رێگەی دەستوورەوە كێشەكان چارەسەر بكەن.
رۆژی شەممە لە پەڕەی خۆی لە تۆڕی كۆمەڵایەتی فەیسبووك، باڵیۆزخانەی ئەمەریكا راگەیەندراوێكی بڵاوكردەوە.
لە راگەیەندراوەكەدا هاتووە: ئێمە بە وردی چاودێری پشێوییەكانی ئەمڕۆی بەغدامان كرد و هەست بە نیگەرانی دەكەین لە بارەی ئەو راپۆرتانەی باس لە توندوتیژی دەكەن.
ئەوەشهاتووە: مافی خۆپیشاندانی ئاشتیانە و دەربڕینی بیروڕا لە دەستووری عێراقدا دەستەبەر كراوە.
لە بەشێكی دیكەی راگەیەندراوەكەدا هاتووە: دەنگمان دەخەینە پاڵ بانگەوازی لایەنە سیاسییەكان لە هەموو لایەنەكان بۆ پابەندبوون بە دان بە خۆداگرتن و دووركەوتنەوە لە توندوتیژی و چارەسەركردنی كێشە سیاسییەكانیان لە چوارچێوەی پرۆسەیەكی ئاشتیانە و دەستووردا.