پەیامێکی بەپەلە لە مستەفا کازمییەوە بۆ خۆپیشاندەران و هێزە ئەمنییەکان

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆك وەزیران و فەرماندەی گشتیی هێزە چەكدارەكانی عێراق، لە بەیاننامەیەكدا، پەیامێكی ئاراستەی خۆپیشاندەرانی سەر بە رەوتی سەدر كرد.
مستەفا كازمی، سەرۆك وەزیران و فەرماندەی گشتی هێزە چەكدارەكان رایگەیاند: داوا لە خۆپیشاندەران دەكەین، پابەندی بە ئاشتی بەڕێوەچوونی خۆپیشاندانەكان بن و پارێزگاری لە موڵك و ماڵی گشتیی و تایبەت بكەن.

هەروەها داوای لێكردوون، دەستبەجێ ناوچەی سەوز بەجێ بهێڵن و هێزە ئەمنییەكانیشی راسپاردووە، رەوشی گشتیی بە گوێرەی فەرمان و رێسا و رێنماییەكان بپارێزن.

لە بەشێكی دیكەی بەیاننامەكەدا مستەفا كازمی، رایگەیاندووە، هێزە ئەمنییەكان پابەندن بە پاراستنی دامەزراوەكانی دەوڵەت و نێردە نێودەوڵەتییەكان و رێگری لە هەر كردەیەك دەكەن، كە زیان بە ئاسایش و سیستمی گشتیی وڵات بگەیەنێت.

ئەمڕۆ لایەنگرانی رەوتی سەدر، دەستیان بە خۆپیشاندان كردووە و دژایەتی خۆیان بۆ كاندیدی چوارچێوەی هەماهەنگی شیعەكان دەردەبڕن.

چوارچێوەی هەماهەنگی، محەمەد شەیاع سودانی وەك كاندیدی چوارچێوەكە بۆ وەرگرتنی پۆستی سەرۆك وەزیران دەستنیشان كردووە.