نرخ و کاتی پلەیستەیشن ٥ ئاشکرا کرا

پۆڵەتیک پرێس

کۆمپانیای سۆنی یابانی رایگەیاند، مانگی تشرینی یەکەمی داهاتوو، پلەیستەیشن ٥ بە نرخی ٤٩٩،٩٩ دۆلار دەخرێتە بازاڕەوە.

بەپێی هەواڵی میدیا جیهانییەکان، بڕیارە کۆمپانیای سۆنی مانگی تشرینی یەکەمی داهاتوو ئامێری پلەیستەیشن ٥ بە نرخی ٤٩٩،٩٩ دۆلار بخاتە بازاڕەکانەوە، لەگەڵیشیدا جۆرێکی دیکەی پلەیستەیشن ٥ کە تایبەتمەندێتی کارپێکردنی سیدی تێدا نییە بە نرخی ٣٩٩،٩٩ دۆلار دەخرێتە بازاڕەکانەوە.

لە ئێستادا رکابەرییەکی بەهێز لەنێوان هەردوو کۆمپانیای سۆنی و مایکرۆسۆفتدا هەیە، ئەوەی یەکەمیان بە بەرهەمی پلەیستەیشن و دووەمیشیان بە ئێکس بۆکس.

هەفتەی رابردوو، کۆمپانیای مایکرۆسۆفت رایگەیاند، لە رۆژی ١٠ی ئەیلول کۆمپانیاکە نەوەی نوێی ئێکس بۆکس بە نرخی ٤٩٩،٩٩ دۆلار دەخاتە بازاڕەکانەوە.

قەیوان گروپ

 


مایۆرکا سیتی جوانییەک لە دڵی سروشتدا