وەزارەتی دەرەوەی عێراق باڵیۆزی تورکیا بانگهێشت دەکات و داوادەکات تورکیا هەموو هێزەکانی بکشێنێتەوە

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی دەرەوەی عێراق ڕایگەیاند، “داوا دەکەین تورکیا سەرجەم هێزەکانی لە عێراق بکشێنێتەوە و چیتر لە ئاست دەستدرێژییەکانیان بێدەنگ نابین”.

ئەمڕۆ پێنجشەممە لەسەر رووداوی بۆردومانکردنی زاخۆ لەلایەن تورکیاوە وەزارەتی دەرەوەی عێراق نامەیەکی ناڕەزایی ئاراستەی عەلی ڕەزا گیونەی باڵیۆزی تورکیا لە عێراق کرد و بانگهێشتی کرد.

جەختی لەوەش کردەوە، “بەرامبەر بەو کارە تاوانکارییانەی تورکیا بۆسەر ناوچە گەشتیارییەکەی زانخۆ بێدەنگ نابین کە بووەهۆی گیان لەدەستدانی نۆ کەس و برینداربوونی 26 کەسی دیکە”.

پێشتریش هەر لەسەر بۆردومانەکەی زاخۆ وەزارەتی دەرەوەی عێراق ڕۆژی چوارشەممە ڕایگەیاند، وەڵامی ئەمجارەمان بۆ تورکیا تەقلیدی نابێت و بە هەنگاوی جیاوازتر وەڵامیان دەدەینەوە.