پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی و باڵیۆزی فەرەنسا تەئكید لەوەدەكەنەوە كە دانوستان بكرێتە بنەما بۆ تێپەڕاندنی قەیرانی چەقبەستوی پێكهێنانی حكومەت لە عێراق و یەكلاكردنەوەی پۆستە باڵاكان.
قوباد تاڵەبانی، جێگری سەرۆك وەزیران، پێشوازیكرد لە ئیریك شوڤالیێ باڵیۆزی فەرەنسا لە عێراق و لە كۆبوونەوەیەكیشدا كە كونسوڵی فەرەنسا ئامادەیبوو، رایگەیاند: پێویستە گفتوگۆو دانوستان بكرێتە بنەما بۆ تێپەڕاندنی قەیرانی چەقبەستوی پێكهێنانی حكومەت و یەكلاكردنەوەی پۆستە باڵاكان لە عێراق.
بەپێی راگەیەنراوێكی نوسینگەی رۆژنامەوانی قوباد تاڵەبانی، لە كۆبوونەوەكەدا تاووتوێی دوایین گۆڕانكارییە سیاسییەكان لە هەرێمی كوردستان و عێراق كراوە لەبەر رۆشنایی هەلومەرجە ئیقلیمییەكان، جەختیكراوەتەوە لەوەی دەبێت گفتوگۆ و لێكتێگەیشتن بكرێنە بنەمای یەكلاكردنەوەی كێشەكان لەپێناو خێراتركردنی هەنگاوەكانی پێكهێنانی حكومەتێك كە لە ئاستی چاوەڕوانی شەقامی عێراقیدا بێت و خزمەتی هاووڵاتیانی بكات.
پتەوكردنی زیاتری پەیوەندییەكانی فەرنساو هەرێمی كوردستان بەشێكی تری كۆبوونەوەكە بووە، جێگری سەرۆك وەزیران ستایشی هەموو هەماهەنگییەكانی فەرەنسای كردوە لەپێناو بەرژەوەندییەكانی هەرێمی كوردستان.