گرنگییەکانی کانزای مس بۆ تەندروستی جەستە

پۆڵەتیک پرێس

مس یەکێکە لە کانزا زۆر گرنگەکان بۆ جەستە، کەمبوونەوە و زیادبوونی ڕێژەکەی زیان بە تەندروستی دەگەیەنێت، بۆیە پێویستە بەڕێژەیەکی گونجاو لە جەستەدا هەبێت.

مس یارمەتیدەرە لە بەرهەمهێنانی خڕۆکە سپی و سوورەکان، یارمەتی گەشەی مێشک و بەهێزبوونی ئێسکەکان دەدات، بەرگری جەستە بەهێزدەکات، یارمەتی خوێنی پڕئۆکسجین دەدات بۆ هەموو ئەندامەکانی جەستە بڕوات.

سەرچاوە سروشتیەکانی مس وەک، چەرەساتەکان، جگەر، پەتاتە، ئاڤۆکادۆ، قارچک، شوکولاتەی ڕەش و دانەوێڵەکان، لەگەڵ ئەوەشدا زیادبوونی ڕێژەکەی لەجەستەدا دەبێتە هۆی ئازاری گەدە، سکچون، ئەگەر بۆماوەیەکی زۆریش بەردەوام بێت هۆکارێکە بۆ تێکچوونی جگەر و گورچیلە.