پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ پێنجشەممە 7ی تەمموزی 2022 بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە ئەلینا رۆمانۆسکی، باڵیۆزی نوێی ئەمریکا لە عیراق.
لە دیدارەكەدا بافڵ جەلال تاڵەبانی پیرۆزبایی لە باڵیۆزی نوێی ئەمریكا كرد و وتی، “پیرۆزبایی ئەركی نوێتان لێدەكەم و هیوادارم هەماهەنگی و هاوكارییەكانمان پتەوتر بكەین بەجۆرێك كە خزمەت بە بەرژەوەندییە باڵاكان بكات”.
ھەر لە دیدارەکەدا گفتوگۆی ورد لەبارەی ھەوڵەکان بۆ پێکھێنانی حکومەتی نوێی عیراق کرا و جەخت لە یەکخستنی ھەوڵەکان کرایەوە بۆ پێکھێنانی حکومەتێکی خزمەتگوزار کە ببێتە ھۆی سەقامگیری و بووژاندنەوەی وڵات لە هەموو بوارەكاندا.
هاوکات، بافڵ جەلال تاڵەبانی هەڵوێستی یەكێتیی نیشتمانیی كوردستانی لەبارەی دۆخی ئەمڕۆی عیراق روونكردەوە و وتی، “لە هەوڵەكانمان بەردەوامین لەپێناو گەیشتن بە تەوافوق و دروستكردنی حكومەتێكی نوێ بە بەشداری هەموو هێز و لایەنە سیاسییەكان بەشێوەیەك كە خزمەتی زیاتری گەل و وڵات بكات. لەو رووەشەوە هەنگاوی باشمان ناوە و بەردەوام دەبین تاوەكو ئەم دۆخە نەخوازراوە تێدەپەڕێنین”.
قەیوان گروپ
مایۆرکا سیتی جوانییەک لە دڵی سروشتدا
