پۆڵەتیك پرێس:
هاوسەرۆكی پەیەدە لە هەرێمی فورات ئەحمەد شێخۆ، هەڵمەتی ” نابۆ داگیركەری، بەڵێ بۆ پاراستنی دەستكەوتی شۆڕش “دەبێتە وەڵام بۆ سەرجەم پلانگێڕییەكان بۆ سەر باكور و رۆژهەڵاتی سوریا.
ئەحمەد شێخۆ راشیگەیاند: لە ١٤ ئەیلول هەڵمەتی ” نابۆ داگیركەری، بەڵێ بۆ پاراستنی دستكەوتی شۆڕش” لە ناوەندی ژنی ئازاد لە كۆبانێ بە بەشداری دەیان ئەندام و بەڕێوەبەران راگەیانرا.
ئەم هەڵمەتە بە ئامانجی رزگاركردنی سەرجەم هەرێمەكانە كە لەلایەن دەوڵەتی توركیاوە داگیركراون وەك عەفرین، باب، ئەعزاز، جەرابلوس، سەرێكانی و گرێسپی.
لەو بارەیەوە، هاوسەرۆكی پارتی یەكێتی دیموكرات رایگەیاند: هەڵمەتەكە بە دەستپێكی پەیەدە دەستیپێكرد، بەڵام سەرجەم بەشەكانی ناوخۆ و دەرەوەی هەرێمەكانی ناوخۆو دەرەوەی باكووو رۆژهەڵاتی سوریا تیایدا بەشدار دەبن.
ئاماژەی بەوەشكرد: ئامانجی ئەم هەڵمەتە پارێزگاریكردنە لە دەستكەوتەكانی شۆڕش و دەركردنی داگیركەرانە.
وتیشی: هەڵمەتەكە لە كاتێكی نزیكدا دەست بە كارەكانی خۆی دەكات و هەنگاو بە هەنگاو بە بەرنامە چالاكییەكانی خۆی دەستپێدەكات و تاكو پێكهێنانی ئامانجەكانی هەڵمەتەكە بەردەوام دەبێت.