پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەری گشتی بانكی ناوەندی هەرێم لە سلێمانی، لە نوسراوێكدا بۆ وەزارەتی دارایی، داوای خانەنشین بوون دەكات و كەسێكیش بۆ جێگەكەی دەستنیشان كراوە.
عەبدولرەحمان ساڵح رەشید بەڕێوەبەری گشتی بانكی ناوەندی هەرێم لە سلێمانی رایگەیاند، دوای چەندین ساڵ لە پێشكەشكردنی خزمەت و تەواوبوونی ماوەی خزمەتی یاسایی، داوای خانەنشین بوونی كردووە.
وتیشی، پێشتر جارێكی دیكە داوای خانەنشینبوونی كردووە، بەڵام ماوەی خزمەتی یاسایی بۆ دوو ساڵ درێژكراوەتەوە و لە ئێستادا ئەو وادەیە كۆتایی هاتووە.
عەبدولرەحمان ساڵح رەشید راشیگەیاند، ماكوان جەمیل مستەفا كە لە ئێستادا بەڕێوەبەری باجی خانوبەرەی هەڵەبجەی شەهیدە بۆ شوێنەكەی دەستنیشانكراوە.