پۆڵەتیک پرێس
پزیشکێکی ڕوسی پسپۆڕ لەبواری خۆراک یلینا سۆلۆماتینا رایگەیاند هەندێک لە خواردنەکان نابێت لە مایکرۆوەیڤدا گەرم بکرێنەوە، چونکە دەبنە هۆی زیانی تەندروستی.
پزیشکەکە دەڵێت خواردنەکانی وەک توور، چەوەندەر، کەرەوز و گێزەر کاتێک لە مایکرۆوەیڤدا گەرم دەکرێنەوە نیتراتەکەی ناویان دەگۆرێت بۆ ماددەی نترۆزامین کە ماددەیەکی شێرپەنجەییە و زیان بە مێشک و گورچیلەکان دەگەیەنێت و دەبێتە هۆی ژەهراویبونیان.
جەختی لەوەشکردەوە پەتاتە و باینجان ماددەی سۆلانینیان تێدایە لەکاتی گەرم کردنەوەیاندا چالاکتر و ژەهراوی دەبن، گەرم کردنەوەی بەرهەمە شیرەمەنیەکانیش بە مایکرۆوەیڤ بەها خۆراکیەکانیان لەدەست دەدەن و بەکتریا بەسوودەکانیان دەمرن.