وەزارەتی ئەوقاف بۆ دیاریكردنی جەژنی قوربان چاوەڕێی سعودیەیە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وتەبێژی وەزارەتی ئەوقاف دەڵێت، هەموو پێشبینییە بەهێزەكان دەڵێن، رۆژی 9-7-2022 یەكەم رۆژی جەژنی قوربانە، بۆ وەڵامی یەكلاكەرەوەش چاوەڕوانی سعودیەین.

ئەمڕۆ دووشەممە 27-6-2022، نەبەز ئیسماعیل، وتەبێژی وەزارەتی ئەوقاف و كاروباری ئایینی هەرێمی كوردستان لەبارەی دیاریكردنی یەكەم رۆژی جەژنی قوربان رایگەیاند، پێشبینییە بەهێزەكان ئەوەیە 9-7-2022، یەكەم رۆژی جەژنی قوربان بێت، بەڵام ئێمە پشت بە پێشبینی نابەستین و چاوەڕوانی سعودیەین كە یەكلایی بكاتەوە و یەكەم رۆژی جەژن دیاری بكات.

نەبەز ئیسماعیل وتیشی، سعودیە ئێوارەی 30 ی حوزەیرانی ئەم مانگە یەكەم رۆژی ژو الحجە دیاری دەكات و ئەو كات یەكەم رۆژی جەژنیش دیاریدەكرێت چونكە 10ـ ی “ژو الحجە” یەكەم رۆژی جەژنی قوربانە.

وتەبێژی وەزارەتی ئەوقاف دەڵێت، بۆ دیاریكردنی یەكەم رۆژی جەژنی قوربان هەموو موسڵمانان پابەند دەبن بە سعودیە، چونكە ئەو جەژنە پەیوەندی بە حەجەوە هەیە.