عەمار حەکیم بۆ سەدرییەکان: کەس بۆشایی کەس پڕناکاتەوە

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

عەمار حەکیم، سەرۆکی هاوپەیمانی عێراقییون لەبارەی کشانەوەی ئەندامانی سەدر لە پەرلەمانی عێراق دەڵێت، “کەس جێی کەس پڕناکاتەوە”.

لە لێدوانێکدا عەمار حەکیم دڵگرانی خۆی بۆ بڕیارەکەی کوتلەی سەدر دەربڕی و ڕایگەیاند، “کەس ناتوانێت بۆشایی کەسی دیکە پڕبکاتەوە لە دەسەڵاتی هەمەجۆ و فرە تێڕوانین و هەمەچەشنی لایەنە سیاسییەکانی عێراقدا”.

وتیشی، “عێراق پێویستی بە یەک پۆلییە، پێویستیشی بە حکومەتێکی خزمەتگوزاری نیشتمانییە کە پێکهاتبێت لە کەسانی دڵسۆز”.

باسی لەوەشکرد، “بەتەنها خزمەتگوزاری دەتوانێت پەیوەندی نێوان جەماوەر و سیستمی سیاسی ڕێکبخاتەوە”.

ئەوەش لەکاتێکدایە لەماوەی ڕابردوودا موقتەدا سەدر سەرۆکی ڕەوتی سەدر ئەندامانی کوتلەی سەدری ڕاسپارد نامەی دەستلەکارکێشانەوەکانیان ڕادەستی محەمەد حەلبوسی سەرۆکی پەرلەمانی عێراق بکەن.

 

قەیوان گروپ

 


مایۆرکا سیتی جوانییەک لە دڵی سروشتدا