پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری دارایی و ئابووری هەرێمی کوردستان ڕایگەیاند، “بە بڕیاری وەزاری لەپێناو دابەزاندنی نرخی بەنزینی هاوردە بڕیاردراوە بە هەڵگرتنی تەواوی باج و ڕسوماتی گومرگی تایبەت بە بەرهەمی بەنزینی هاوردە بە ڕەچاوکردنی کواڵتی”.
ئەمڕۆ هەینی بە نوسراوێکی فەرمی وەزارەتی دارایی و ئابووری کە واژۆی ئاوات جەناب نوری وەزیری ئابووری و دارایی لەسەرە ئاماژە بەوەکراوە، “لەپێناو بەرژەوندی گشتی بەمەبەستی دابەزاندنی نرخی بەنزینی هاوردە، وە بەپێی ئەو دەسەڵاتەی پێمان دراوە بڕیارماندا بە هەڵگرتنی تەواوی باج و ڕسوماتی گومرگی تایبەت بە بەرهەمی بەنزینی هاوردە بە ڕەچاوکردنی کواڵتی”.
ئەوەش هاتووە، “بڕیارراوە بە کەمکردنەوەی ڕسوماتی کارگێڕی هەناردەکردن و هاوردەکردنی سامانە سروشتییەکان تەنها بۆ هاوردەکردنی بەرهەمی بەنزین بۆ (7$) حەوت دۆلار بۆ هەر تەنێک”.
بە گوێرەی بڕیارەکان، “بڕیارە دەرفەتی یەکسان بدرێت بە سەرجەم لایەنەکان بەمەبەستی هاوردەکردنی بەنزین بەبێ جیاوازی و ڕێگریبکرێت لە قۆرغکاری، بەمەرجێک ڕەچاوی کواڵتی بکرێت”.
لە نوسراوەکەدا ئەوەش خراوەتەڕوو، “ئەم فەرمانە لە ڕێکەوتی 17ی 6ی 2022ەوە جێبەجێ دەکرێت تاکو ڕێکەوتی 31ی 12ی 2022”.
قەیوان گروپ
مایۆرکا سیتی جوانییەک لە دڵی سروشتدا
