سەرۆکی پەرلەمانی کوردستان بانگهێشتی پەرلەمانتاران دەکات

پۆڵەتیک پرێس

سەرۆکی پەرلەمانی کوردستان بانگهێشتی پەرلەمانتاران دەکات بۆ کۆبوونەوەی پەرلەمان ڕۆژی چوار شەممە.

دکتۆر ڕێواز فایەق، سەرۆکی پەرلەمانی کوردستان بانگهێشتی، تەواوی ئەندام پەرلەمانەکان دەکات بۆ دانیشتنی ژماره‌ 6 ی ئاسایی خولی بەهارەی ساڵی چوارەم له‌ خولی هه‌ڵبژاردنی پێنجه‌می په‌رله‌مانی كوردستان ـ عێراق، له‌ كاتژمێر 10 ی بەیانی ڕۆژی چوار شەممە ڕێكه‌وتی 15ی حوزەیرانی 2022.

کاربەرنامەی پەرلەمان ڕۆژی چوار شەممە بەم جۆرە دەبێت.

خوێندنه‌وه‌ی دووه‌م بۆ ئەم پێشنیاز و پڕۆژە یاسایانەی خوارەوە، به‌پێی حوكمی مادده‌كانی (87-88-89-97) له‌ په‌یڕه‌وی ناوخۆی په‌رله‌مانی كوردستان:

پێشنیازە یاسای بەركاركردن و هەمواركردنی یاسای فیدراڵی واژۆی ئەلیكترۆنی و مامەڵە ئەلیكترۆنیەكان ژمارە 87ی ساڵی2012.

پڕۆژە یاسای (وەزارەتی شارەوانی و گەشتوگوزاری هەرێمی كوردستان ـ عێراق).

پڕۆژە یاسای (دەستەی متمانە بەخشین بە دامەزراوەكان و پڕۆگرامەكانی پەروەردە و خوێندنی باڵا لە هەرێمی كوردستان ـ عێراق).