پارێزگاری هەولێر: ئیجرائات لەگەڵ ئەو کەسانە دەکەین کە ئاو بەفیڕۆدەدەن

-پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

پارێزگاری هەولێر ڕایگەیاند، بەردەوام دەبین لە هەڵمەتی بڕینی سەرپێچی و زێدەڕۆییەکانی سەر تۆڕی ئاو و ئیجرائات وەرگرتن لەگەڵ هەموو ئەو کەسانەی ئاو بەفیڕۆدەدەن و سه‌رپێچی و زێده‌ڕۆییان کردۆتە سەر تۆڕەکانى ئاوى پاکى ماڵان.

ئەمڕۆ یەکشەممە ئومێد خۆشناو پارێزگاری هەولێر ڕاگەیەندراوێکی بڵاوکردەوە تێیدا نوسی، “له‌دیوانى پارێزگا، بۆ بەدواداچوون بە بڕیار و راسپاردەکانى کۆبوونەوەى پێشوو و دەرەنجامى چارەسەرییەکانى کێشە و گرفتەکانى کەم ئاوى، سەرپەرشتى کۆبونەوەیەکمان کرد”.

وتیشی، “لەکۆبوونەوەکەدا بەدواداچوونمان بۆ کارەکانى لیژنەکانى تایبەت بە چارەسەرکردنى كه‌می ئاوی خواردنه‌وه‌ی ماڵان له‌ به‌شێك له‌ گه‌ڕه‌كه‌كانی شارى هه‌ولێر و ژوورى عەمەلیاتى پارێزگاى هەولێر کرد کە لەماوەى هەفتەى ڕابردوودا چی کراوە بۆ چارەسەرکردنى کەم ئاوى و کێشە و گرفتەکانى”.

باسی لەوەشکرد، “لەوبارەیەشەوە ته‌ئكیدمان لە خێراکردنى پڕۆسەى لێدانى بیرى ئاوى خواردنەوەى بەدیل و نوێ لە هەولێر و دەوروبەر و نۆژەنکردنەوەى بیرەکان و دابینکردنى کارەباى بەردەوام لەڕێگەى مولیدەى ئەهلى و کارەبایی نیشتیمانى بۆ بیرى گەڕەکەکان کردەوە. ئەوە جگە لەوەى جەختمان لە بەستنەوەى سەرجەم ئەو بیرانەى کە تاوەکو ئێستا نەبەستراون لەگەڵ تۆڕى گشتى ئاو کردەوە، لەو شێوینانەى کە پێویست دەکات”.