بارەگای بارزانی: ئەو دەستانە ناسراو و ئاشكران كە لە پشت پەلامارەکانی سەر هەولێرن

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بارەگای بارزانی ڕایگەیاند، “ئەو دەستانە ناسراو و ئاشكران كە لە پشت پەلامارەکانی سەر هەولێرن”.

ئەمڕۆ پێنجشەممە بارەگای بارزانی ڕاگەیەندراوێکی بڵاوکردەوە لەبارەی هێرشەکەی شەوی ڕابردووی سەر هەولێر تێیدا وتی، “وێڕای ئەوەی زۆر بە توندی ئیدانەی پەلامارە ترسنۆكانە و تیرۆریستییەكەی دوێنێ شەو بۆ سەر هەولێر دەكەین، ڕاشیدەگەیێنین ئەو دەستانە ناسراو و ئاشكران كە لە پشتەوەی ئەو پەلامارە تیرۆریستیە و پەلامار و دەستدرێژییەكانی پێشووتردان و مەبەست و ئامانجی ئەو كارە ناڕەوایەشیان زۆر بە ڕوونی دیارە”.

ئەوەشی خستەڕوو، “پێزانیمان بۆ هەڵوێست و ناڕەزایەتیی لایەنەكان و ئیدانەكردنەكانیان هەیە، بەڵام لە ڕاستیدا تەنیا دەربڕینی ناڕەزایەتی و ئیدانەكردن چارەسەر نیە”.

جەختی لەوەش کردەوە، “پێویست دەكات هەنگاوی كردەیی بنرێت و زۆر بە جددی كار بۆ ئەوە بكرێت كە كۆتایی بەم كردەوە نامرۆڤانە و نایاسایی و ناڕەوایانە بهێندرێت كە بێ باكانە لەدژی هاووڵاتیانی هەرێمی كوردستان و شاری هەولێر ئەنجام دەدرێت”.

پەخشی راستەوخۆی رادیۆ پۆلەتیک