پۆڵەتیک پرێس
لەگەڵ نزیکبوونەوە لە وەرزی هاوین و بەرزبوونەوەی پلەی گەرما جەستە زیاتر ڕوبەڕووی وشکبوونەوە دەبێت و کێشە تەندروستیەکان دەردەکەون، بۆ دووربوون لە وشکبوونەوەی جەستە لە وەرزی هاویندا پێویستە هەندێک خواردن نەخورێن یان بەڕێژەیەکی زۆر کەم بخورێن.
لە وەرزی هاویندا لەم خواردنانە دووربکەوەرەوە:
-خواردنە سوێرەکان
ئەو خواردنانەی دەوڵەمەندن بە سۆدیۆم لە سیستمی خۆراکی ڕۆژانەدا تەندروست نین، چونکە هۆکارێکن بۆ وشکبوونەوەی جەستە.
-شەکر
شەکریش بەهەمان شێوەی خوێ کاریگەری لەسەر وشکبوونەوەی جەستە هەیە، خواردنەوە گازییەکانیش ڕێژەیەکی زۆر شەکریان تێدایە.
-کافایین
ئەو خواردنەوانەی رێژەیەکی زۆر کافاینیان تێدایە وەک قاوە و چا لە کەش و هەوای گەرمدا یەکێک نین لە خواردنەوە باشەکان، چونکە هۆکارێکی وشکبوونەوەی جەستەن، بۆیە باشترە لە وەرزی هاویندا ڕۆژانە لە کوپێک زیاتر لەو خواردنەوانە نەخورێتەوە بۆئەوەی لە کێشە بەدووربن.