پۆڵەتیک پرێس
ترش جگە لەوەی وەک بەهاراتێک بەکاردەهێنرێت، لە بەشێکی زۆر خواردن و زەڵاتەکاندا بەکاردەهێنرێت و تام و چێژێکی تایبەتیان پێدەبەخشێت، لە کوردستان بەتایبەتی لەگەڵ ترۆزی و کالیار دەخورێت.
سوودە تەندروستییەکانی ترش:
-دژەئۆکسانێکی بەهێزە و هەوکردنەکانی جەستە کەمدەکاتەوە.
-پارێزگاری لە تەندروستی خانەکان دەکات بەتایبەتی خانەکانی جگەر و کۆلۆن.
-دەوڵەمەندە بە ڤیتامین سی بەرگری جەستە بەهێزدەکات.
-یارمەتی زیاتر بەرهەمهێنانی کۆلاجین دەدات، پارێزگاری لە تەندروستی پێست، جومگە و ئێسکەکان دەکات.
-سوودێکی زۆری بۆ تەندروستی دڵ و بۆریەخوێنەکان هەیە، یارمەتی دابەزاندنی ڕێژەی کۆلیستڕۆڵی خراپ دەدات بەمەش ئەگەری توشبوون بە جەڵتە کەمدەکاتەوە.
-لەکاتی توشبوون بە پەتا وەک گیرانی لووت، هەوکردنی سییەکان، هەڵامەت و ئەنفلۆنزا وەک چارەسەرێک بەکاردەهێنرێت.
-یارمەتی کرداری هەرس دەدات و ڕێگری لە کێشەکانی دەکات.