پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەندامێکی لیژنەی ئاسایش و بەرگری لە پەرلەمانی عێراق ڕایگەیاند، پێشبینی دەکرێت لەماوەی ئەمساڵدا دەنگ لەسەر پرۆژە یاسای خزمەتکردنی ئاڵا بدرێت.
ئەحمەد موسەوی، ئەندامی لیژنەی ئاسایش و بەرگری پەڕلەمانی عێراق بە ئاژانسی فورات نیوزی ڕایگەیاند،“لیژنەی ئاسایش و بەرگری دەستی بەخوێندنەوەی یەكەم کردووە بۆ پڕۆژە یاسای (خزمەتی ئاڵا)، ڕۆڵێکی گرنگیشی دەبێت لە ڕاهێنان و كۆنتڕۆڵكردنی گەنجان،لەبەر ئەوەی بەهۆی بڵاوبوونەوەی هەژاری و بێكارییەوە كێشەیەكی زۆر بۆ گەنجان درووست بووە”.
ئاماژە بەوەش دەدات، لەپرۆژە یاساکەدا ماوەی خزمەتکردنی ئاڵا دیاریکراوە کە، ساڵ و نیوێك دەبێت و لەو ماوەیەدا هەر سەربازێک مانگانە بڕی 700 هەزار دینار وەردەگرێت.
ڕوونیشی کردۆتەوە، پڕۆژە یاسای خزمەتکردنی ئاڵا واتە سەربازیکردن بە زۆرەملێ هەموو لایەك لەژێر چەتری سوپای عێراقدا كۆدەكاتەوە.