خواردنەوەی چای تاڵ چی بەسەر جەستە دەهێنێت؟

پۆڵەتیک پرێس

چا بەیەکێک لە باوترین خواردنەوەکان لەجیهاندا دادەنرێت و خواستێکی زۆری لەسەرە، چای تاڵ سوودێکی زیاتری بۆ جەستە هەیە بەراورد بە چای شیرین، لەگەڵ ئەوەشدا پێویستە زیادەڕەوی لە خواردنەوەی هەردوو جۆرەکەدا نەکرێت بۆئەوەی نەبێتە هۆی زیان.

بەشێک لە خەڵک ڕێژەیەکی زۆر شەکر بۆ چا بەکاردەهێنن ئەمەش زیانی تەندروستی دەبێت، ئەگەر چا بە تاڵی و ڕێژەیەکی گونجاو بخورێتەوە ئەم سوودانە بە جەستە دەگەیەنێت:

-چای تاڵ ڕێژەی شەکری خوێن کەمدەکاتەوە.

-ڕێگری لە بەرزبوونەوەی ڕێژەی کۆلیستڕۆڵی خراپ دەکات.

-دژەئۆکسانەکانی تێدایە یارمەتی لەناوبردنی بەکتریاکانی دەم و گەدە دەدات.

-یارمەتی بەهێزبوونی ئێسکەکان دەدات و پارێزگاری لە تەندروستیان دەکات.

-سوودێکی زۆری بۆ کرداری هەرس هەیە و ڕێگری لە قەبزی دەکات.

-کۆنتڕۆڵی ترشەڵۆکی گەدە دەکات.

-جوڵەی خوێن ئاسان دەکات و یارمەتی تەندروستی خوێنبەر و خوێنهێنەرەکان دەدات.