پۆڵەتیک پرێس
هەستکردن بە سەرما لە وەرزی زستان و هەندێ دۆخی نەخۆشی حاڵەتێکی ئاساییە، بەڵام هەندێک کەس زیاتر لە کەسانی دیکە هەست بە سەرما دەکەن تەنانەت لەکاتێکدا کە کەش و هەوا گەرم بێت، ئەمەش بەبێ هۆکار نییە چەندین هۆکاری جیاوازی هەیە.
بۆچی هەندێک کەس بەردەوام هەست بە سەرما دەکەن؟
-کەمی ئاسن یەکێکە لە هۆکارە سەرەکیەکان وادەکات بەردەوام لە دەست و قاچەکاندا هەست بە سەرما بکەیت.
-هەندێک جار بەردەوام ساردی قاچەکان نیشانەیە بۆ هەبوونی کێشە لە تەندروستی دڵ یان خوێنبەرەکان، چونکە کاتێک چەوری لە خوێنبەرەکاندا کۆدەبێتەوە ناهێڵێت خوێنیان پێبگات و ئەمەش وادەکات بەردەوام هەست بە سەرما بکەیت.
-هۆرمۆنەکانی غودەی دەرەقی کاریگەرییەکی زۆریان لەسەر لێدانی دڵ و پلەی گەرمی جەستە هەیە، کاتێک بەپێی پێویست ئەو هۆرمۆنە بەرهەمناهێنرێت هۆکارێکی دیکەیە کە بەردەوام هەست بە سەرما بکەیت.
-هەندێکجار درکپێکردنی نەخۆشی شەکرە هەندێک کاتی دەوێت، یەکێک لە نیشانەکانی نەخۆشیەکەش ئەوەیە بەردەوام هەست بە سەرما دەکەیت.
-ترس، دڵەڕاوکێ و دوودڵی هۆکارن بۆ زیادبوونی لێدانی دڵ، لەرزین، گێژبوون و ساردبوونی پەلەکان.
قەیوان گروپ
مایۆرکا سیتی جوانییەک لە دڵی سروشتدا
