پۆڵەتیک پرێس
بەشێوەیەکی گشتی چەرەساتەکان سوودێکی زۆریان بۆ تەندروستی گەورە و منداڵ هەیە، چەرەساتەکان دەتوانن بەشێکبن لە دروستکردنی خواردنی منداڵان چونکە سوودێکی زۆر بە تەندروستی مێشکیان دەگەیەنن.
پێنج چەرەسات یادەوەری منداڵ بەهێزدەکەن:
-گازۆ
دەوڵەمەندە بە کانزاکانی مەگنسیۆم، زینک، ئاسن و فۆسفۆڕ بەرگری جەستە بەهێزدەکەن، یارمەتی کرداری هەرس دەدەن و پەرە بە زیرەکی منداڵ دەدەن.
-بادەم
ڕێژەیەکی زۆر ڤیتامین ئی تێدایە سوودێکی زۆری بۆ گەشەی منداڵ هەیە و توانای سەرنج و زیرەکی زیاددەکات.
-گوێز
هەمیشە گوێز بەوە ناسراوە سوودێکی زۆری بۆ تەندروستی مێشک هەیە، دەوڵەمەندە بە ئاسن، کالیسیۆم، زینک و مس هەروەها سەرچاوەیەکی سەرەکی ترشە چەوریەکان، ئۆمێگا3، ڕیشاڵ و پڕۆتینەکانە کە مێشکی منداڵ پێویستی پێیەتی.
-عەلی بابا
ڕێژەیەکی زۆر کانزا و چەوریە سوودبەخشەکانی تێدایە، تایبەتمەندی دژەئۆکسانی هەیە و سوودێکی زۆری بۆ تەندروستی مێشک هەیە.
-فستق
ڕێژەیەکی زۆر چەوریە تەندروستەکان، ئاسن، زینک، ڤیتامین ئی و ڕیشاڵەکانی تێدایە، بەمەش سودێکی زۆر بە مێشکی منداڵ دەگەیەنێت.