پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فراكسیۆنی یەكێتی لە پەرلەمانی عێراق رایگەیاند، داوایان لە لیژنەی دارایی و ئابوری كردوە لە پڕۆژە یاسای ئاسایشی خۆراك مافی چینی هەژاران، خاوەن پێداویستی تایبەت، جوتیاران و مافی ئێزیدییەكان بە برگەی جیاواز جێگیر بكرێن.
فراكسیۆنی یەكێتی لە پەرلەمانی عێراق لە راگەیەنراوێكدا باسی لەوەكرد، بۆ دەستەبەركردنی مافی كۆمەڵانی خەڵكی كوردستان و دادپەروەر كردنیان، فراكسیۆنی یەكێتی لە رێگای یاداشتێكی فەرمییەوە داوا دەكات مافی چینی هەژاران، جوتیاران و كەمئەندامان لە پڕۆژە یاسای پاڵپشتی خێرای ئاسایشی خۆراك دەستە بەر بكرێت.
پەرلەمانی عێراق خوێندنەوەی یەكەمی بۆ پڕۆژە یاسای هەمواركراوی پاڵپشتی ئاسایش و گەشەپێدانی خۆراك كردووە كە لەلایەن لیژنەی داراییەوە بۆ پەرلەمان نێردراوە و واش بڕیارە لە دانیشتنی داهاتوودا كە رۆژی سێ شەممەی داهاتوو دەكات خوێندنەوەی دووەم بۆ پرۆژە یاساكە بكرێت.