پۆڵەتیک پرێس
سیستمی خۆراکی تەندروست کاریگەرییەکی زۆری لەسەر ڕێژەی شەکری خوێن هەیە بەتایبەتی بۆ توشبووانی شەکرە، دوای سیستمی خۆراکی چالاکیەکانی ڕۆژانە، وەرزشکردن و بۆماوەیش بەهەمان شێوە کاریگەری لەسەر ئەو نەخۆشیە هەیە.
ئەو خواردنانەی دەوڵەمەندن بە کاربۆهیدرات و شەکر زیانیان بۆ توشبووانی شەکرە دەبێت و دەبنە هۆی بەرزبوونەوەی ڕێژەی شەکری خوێن، لەگەڵ ئەوەشدا هەندێک لە خواردنە ڕووەکیەکان یارمەتی دابەزینی ڕێژەی شەکر و کۆنتڕۆڵکردنی دەدەن ئەوانیش:
-بڕۆکلی و قەرنابیت
دەوڵەمەندن بە ڤیتامین، کانزا و دژەئۆکسانەکان یارمەتی دابەزینی ڕێژەی شەکری خوێن دەدەن.
-چەرەساتەکان
توێژینەوەکان دەریانخستووە چەرەساتەکان ڕۆڵێکی گرنگیان لە کۆنتڕۆڵکردنی ڕێژەی شەکری خوێندا هەیە.
-بامێ
ڕێژەیەکی زۆر دژەئۆکسانەکان و ماددەی ڤلافۆنۆیدی تێدایە وەک چارەسەرێکی سروشتی بۆ نەخۆشی شەکرە بەکاردەهێنرێت، چونکە یارمەتی دابەزینی ڕێژەی شەکر دەدات.
-پاقلە و نیسک
دەوڵەمەندن بە مەگنسیۆم، ڕیشاڵ و پرۆتینەکان یارمەتی دابەزینی ڕێژەی شەکری خوێن دەدەن، تەنها یارمەتی دابەزینی ڕێژەی شەکر لەخوێندا نادەن توێژینەوە نوێیەکان دەریانخستووە ڕێگری توشبوون بە نەخۆشی شەکرەش دەکەن.
-ئاڤۆکادۆ
جگە لەوەی تامێکی تایبەتی هەیە ڕۆڵێکی گرنگی لە ڕێکخستنی ڕێژەی شەکری خوێندا هەیە و ڕێگری لە بەرزبوونەوەی دەکات.