پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
حكومەتی هەرێمی كوردستان لە رێگەی بەڕێوەبەرایەتی جێبەجێكردنی دووی هەولێرەوە بۆ وەرگرتنەوەی قەرزەكانی لە كۆمپانیاكان و گەورە بازرگانان 54 موڵكی خستۆتە موزایەدەوە و 50 موڵكی وەزارەتی داراییشی لە بری قەرز وەرگرتۆتەوە.
پێگەی فەرمی حكومەتی هەرێم رایگەیاند: بەڕێوەبەرایەتی جێبەجێكردنی دووی هەولێر، یەكێكە لە بەڕێوەبەرایەتیەكانی فەرمانگە (دادیەكان)ی سەر بەوەزارەتی دادی حكومەتی هەرێمی كوردستان، ساڵی 2020 دامەزرێنراوە بۆ وەرگرتنەوەی قەرزی حكومی.
ئاماژە بەوەشكراوە، لە سەرەتای كارەكانیانەوە لەوەزارەتی داراییەوە بەگشتی، لە قەرزی بانكەكانەوە بەتایبەتی دەستی پێكردووە، لە ماوەیەكی كورتدا 54 موڵكیان خستۆتە موزایەدەوە و 50 موڵكی وەزارەتی داراییشیان، لە بری قەرز وەرگرتۆتەوە، چوار موڵكیش فرۆشراون و داهاتەكانیان بۆ وەزارەتی دارایی گەڕێنراونەتەوە، ئێستا 39 موڵكی تر لە موزایەدەن كە ئامادەنەبوون قەرزی حكومەت لەكاتی خۆیدا بدەنەوە.