پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ڕەجەب تەیب ئەردۆغان، سەرۆکی تورکیا ڕایگەیاند، وڵاتەکەی بەئەندامبوونی فینلەندا و سوید لەناو هاوپەیمانی ناتۆ ڕەتدەکاتەوە و دژێتی.
ئەردۆغان لە لێدوانێکدا ڕۆژی چوارشەممە ئاماژەی بەوەکرد، “چاوەڕێی ئەوە لە هاوپەیمانانمان دەکەین لە بیرکردنەوە و هەستیاریمان تێبگەن لەبارەی هەندێک بابەتی ئەمنی”.
وتیشی، “نابێت قبوڵ بکرێت ئەو وڵاتانەی پشتیوانی لە تیرۆر دەکەن بچنە ناو ناتۆ، هەڵوێستی ئێمە ئاشکرایە و دژی ئەوەین فینلەندا و سوید بچنەناو ناتۆ”.
باسی لەوەشکرد، “پێویست بە سەردانە فەرمییەکانی سوید و فینلەندا ناکات، هەڵوێستی ئێمە ئاشکرایە و دژی ئەوەین بچنەپاڵ ناتۆ”.
ڕۆژی چوارشەممە هەریەکە لە سوید و فینلەندا بەفەرمی داوای مافی ئەندامێتیان کرد لەناو هاوپەیمانی ناتۆ.