سوید و فینلەندا بە فەرمی داواکاری بوون بە ئەندام لە ناتۆ پێشکەش کرد

پۆڵەتیک پرێس

ئەمڕۆ سوید و فینلەندا، بە شێوەیەکی فەرمی داواکاری بوون بە ئەندام لە ناتۆیان پێشکەشکرد.

ئەمڕۆ چوارشەممە 18ی ئایاری 2022، لە برۆکسلی پایتەختی بەلجیکا،  بە شێوەیەکی فەرمی باڵیۆزانی سوید و فینلەندا داواکارییان بۆ ئەندامبوون لە ناتۆ پێشکەش کرد،  یانس ستۆڵتنبێرگ، سکرتێری گشتیی ناتۆ ئاماژەی بەوەدا، پێشوازی لە بە ئەندامبوونی ئەو دوو وڵاتە دەکەین.

دوای هەڵگیرسانی جەنگ لە نێوان ڕوسیا و ئۆکرانیا ڕوسیا هەڕەشەی لە سوید و فینلەند کرد، كە نابێت بچنە هاوپەیمانی ناتۆوە ئەگەر نا وەڵامی توندی دەبێت بۆیان.