دۆخەكە نەخوازراوە، هاوكێشەكان ئاڵۆزن و سەری داوەكان ئاڵۆزترن و ، ئاڵۆزێندراون!
ناچمە ڕەففە پڕ لە كارەسات و خوێناویەكانی دۆزی كورد و مێژووی كوردو پر خەفەتباری
ناشمەوێ بچمەوە نێو دێڕە پر گوماناویەكانی ئەو دۆز و دۆخە تراژیدیایە ( بێگومان بەدەست كورد خۆی
هەموو هاوكێشە لاسەنگەكان
هەموو ناهاوسەنگیەكان
هەموو كێشمە كێش و ململانێكان
هەموو نەهامەتی و ناگوزوریەكان
تاكە باجدەر و قوربانی گەل و میللەت و هاووڵاتی و هاو( نیشتیمانی) بووە!!!!
چ زەوقێكە؟
چ میزاجێكە؟
چ پاساوێكە؟
چ بریارێكە؟
هەمووی ئەوەی كە دەگوزەرێ و روو دەدات پێچەوانەو دژی خەڵك و قووت و بودجەو مووچەی خەڵكە خەڵك!
یەكلایی كردنەوەی ناكۆكیەكانی نێوان هێزو لایەنە ناكۆك و ركابەرەكان( نەوەك دوژمنەكان)
و پاكتاو( التصفیە) كردنی دەرەنجام و سەرەنجامەكانی بریتین لە قوربەسەركردن و نەهامەتی و دارمانی تاكی كورد و لەبەریەك هەڵوەشاندنەوەی كۆی جوانیەكان، دەبێتە كارەسات و تۆماركردنی مێژوویەكی پڕلە نەنگی وەكو ئەوانی تر و قۆناخەكانی تر.
بەوپەڕی بروابوونم و خوێندنەوەم بۆ دێڕە هەرە ئاڵۆزەكانی تر لەم دۆخە تەنها چارەسەر و یەك رێگا ئارام بوون و دان بەخۆداگرتن و هێمنییە لە كۆی ئاكار و كار و كردارو لێدوان و ئاگر نەدانی پووش و پەڵاشی نێو پەیوەندیەكان وبەنزین نەكردنە بە ئاگری بچووكی هەڵگیرساوی بەرژەوەند پەرستەكانی نێو پرۆسەكەیە كە خۆی دەبینێتەوە لە كۆمەڵێك گەورە بازرگان و تازە پیاكەوتووی نێو هاوكێشەی سیاسی و سیاسەتخوانانی تازە پێ گەیشتووی هەرزەی هیچ لە بارا نەبووی خولقێنەری ئەم دۆخ و ئەو واقیعە!
-ئاسانترین رێگا، كەمتر دزی كردن و كەمتر خواردنی بەشی ئەوانی دیكەیە
-ئاسانترین رێگا، لێبووردەیی و نەفەس و هەناسەی كراوەیە بەرامبەر كۆی خراپەكاری و ئاڵنگاریەكان
ئاسانتر لەهەموو ئەوانە ئاشتكردنەوەو بەخۆداچوونەوەیە بۆ كۆی بەرنامە هەڵەكان و كۆی كەم و كورتیەكان.
بگەرێنەوە بەردەم یەك ئیرادە ئەویش خەلك و گەل و میللەتە.
من و هەموومان دەزانین یاریەكە لە خۆش و تام دەرچووە و دەشزانین كێ و چۆن و بۆچیش خەتابارە!؟؟؟
بەڵام با لێرە بوەستێت و كەمترین ماوەمان ماوە ببین بە بەرداشی نێوان هێزە ئێقلیمیەكان و بەرژەوندی زلهێزەكانی تر كە ئەوانیش هیچ رەچاوی بنەمای مرۆڤایەتی و ئەخلاق و مافی هیچ كام لەگەلانی وەك ئێمە ناكەن.
ئەم چەند دێرەم پڕە لە بێ هیوایی
پڕیشە لە هیوا ئەگەر بەهەردوو دیوەكەدا بیخوێنیتەوە
فەرهەنگ تاهیر گۆمەشینی