پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی حكومەتی هەرێمی كوردستان پەیامێكی لە بارەی هێرشە مووشەكییەكەی شەوی رابردووی سنووری قەزای خەبات بڵاوكردەوە و رایگەیاند نابێت چیدی ئەو جۆرە هێرشانە بەرەدوام بن.
شەوی رابردوو بە شەش مووشەك هێرشكرایە سەر قەزای خەباتی سەر بە پارێزگای هەولێر.
رۆژی دووشەممە 2_5_ 2022، مەسرور بارزانی، سەرۆكی حكومەتی هەرێمی كوردستان لە راگەیەندراوێكدا رایگەیاند:ئەم هێرشانە، چی دیكە نابێت بەردەوام بن و پێویستە هەڵوێستی جیددی هەبێت و رێكاری كردەیی بگیرێتەبەر بۆ كۆتاییهێنان بەم دەستدرێژیانە. سەرۆكوەزیرانی هەرێمی كوردستان داوا لە سەرۆكوەزیرانی عێراق دەكات، هەنگاوی پێویست و كردەیی بنێ بۆ سزادانی گرووپە تێكدەرە لە یاسادەرچووەكان و پێكهێنانی لیژنەیەكی هاوبەش، بۆ گرتنەبەری رێكاری پێویست بۆ كۆنتڕۆڵكردنی ئەو ناوچانەی بوونەتە هەڕەشە بۆ سەر سەقامگیری و ئاسایشی هەرێمی كوردستان و عێراق.
ئێوارەی رۆژی یەكشەممە، دەنگی چەند مووشەكێك لە سنووری قەزای خەبات بیسترا. دواتر دژە تیرۆری كوردستان بڵاوی كردەوە، شەش مووشەك لە قەزای خەبات كەوتوونە خوارەوە.