پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
پارێزگاری هەولێر لەبارەی مووشەکبارانکردنی قەزای خەبات وتی، “حکومەتی عێراق بەرپرسیارە لێی”.
ئومێد خۆشناو پارێزگاری هەولێر ڕایگەیاند، “راستە ئەو کارانە گرووپە تیرۆریستییەکان و میلیشیاکان ئەنجامی دەدەن، بەڵام حکومەتی عێراق بەرپرسیارە”.
وتیشی، “خەمساردیی ئەوان بووەتە هۆکاری ئەوەی کە گرووپە تیرۆریستییەکان دەرفەتەکە بقۆزنەوە و هەموو ئەو کارە تیرۆریستییانەی کە ئەنجامدراون لەو سنوورانەن کە وتوومانە بۆشایی ئەمنییان هەیە”.
شەوی ڕابردوو کاتژمێر 8:30 سنووری پارێزگای هەولێر مووشەکبارانکرا و شەش مووشەکی یەک لەدوای یەک، ئاڕاستەی سنووری قەزای خەبات کران و دەزگای دژەتیرۆری هەرێمی کوردستانیش ڕایگەیاند، هیچ زیانێکی گیانی و ماددی نەبووە.