شەڕ لەنێوان پاسداران و هێزە كوردییەكاندا رووی دا

ئەم بابەتە 95 جار بینراوە

پۆڵەتیك پرێس:

شەڕ لە نێوان هێزە كوردییەكان و سوپای پاسداراندا روویدا.

بەپێی راپۆرتی رێكخراوی مافی مرۆڤی هەنگاو نیوەڕۆی شەممە لە گوندی هەورامان نزیك پایەگای ژاڵانە شەڕ لەنێوان هێزێكی كوردی و سوپای پاسداراندا روویداوە.

هاوكات پێشتر لە سنووری ناوچەی كانی خودای پیرانشار شەڕ لەنێوان سوپای پاسداران و هێزێكی كوردی ڕوویداوە.

لای خۆیەوە سەردار خەلیل زادە جێگری ئۆپراسیۆنی بڕیارگەی حەمزە سەید شوهەدا بۆ ئاژانسی مێهری ئێرانی وتی: بنكەی گروپە دژبەرەكانی ئێرانمان لە كوردستانی عێراق كردووەتە ئامانج لەوەڵامی دەستدرێژییەكانیاندا.

هیچ سەرچاوەیەك باسی لە زیانە گیانی و مادییەكانی ئەو شەڕەی هێزە كوردییەكان و سوپای پاسداران نەكردووە.

كۆماری ئیسلامی ئێران هێزە كوردییەكان تۆمەتبار دەكات بە پشتیوانیكرانیان لەلایەن ئەمریكاوە بۆ هێرشكردنەسەر خاكی ئێران.

پەخشی راستەوخۆی رادیۆ پۆلەتیک