پۆڵەتیک پرێس
مانگۆی میازاکی یەکێکە لە گرانبەهاترین جۆری مانگۆ لەجیهاندا، لە ژاپۆن دەچێنرێت و ساڵی ڕابردوو نرخی کیلۆیەک لێی لە بازاڕە نێودەوڵەتیەکاندا نزیکەی 65 هەزار جونیەی میسری بوو.
میازاکی بەناوی “Taiyo-no-Tomago”یان “Eggs of Sunshine”ناسراوە، ئەم جۆرە مانگۆیە ڕەنگەکەی زەرد یان سەوز نییە، کاتێک پێدەگات ڕەنگێکی سووری هەیە و شێوەی لە هێلکەی دایناسۆر دەچێت، کێشەکەی 350 گرام دەبێت و ڕێژەی %15 یان زیاتری لە شەکر پێکهاتووە.
ژاپۆن گەورەترین شوێنی بەرهەمهێنانی مانگۆی میازاکیە، بەشێوەیەکی گشتی ئەو جۆرە مانگۆیە لەشاری میازاکی لەناوچەی کیوشوی ژاپۆن دەچێنرێت، چاندنی ئەم جۆرە مانگۆیە سەرەتا لە ساڵانی 70 و 80کانی سەدەی ڕابردوەوە بووە، ئەو شوێنەی ئەم مانگۆیەی لێدەچێنرێت لەڕووی ئاوو هەواوە گونجاو و لەبارە، کەش و هەوایەکەی گەرمی هەیە و تیشکی خۆریشی بۆماوەیەکی درێژ هەیە، لەگەڵ ئەوەشدا بارانی باشی لێدەبارێت.