پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
چوارچێوەی هەماهەنگی شاندێکی بەسەرۆکایەتی نوری مالکی، سەرۆکی هاوپەیمانی دەوڵەتی یاسا پێکهێنا و بڕیارە لەگەڵ لایەنە سیاسییەکان دەست بە گفتوگۆ و دۆزینەوەی چارەسەرەکان بکات لەبارەی دۆسیەی پێکهێنانی حکومەت.
ئەم بڕیارەی چوارچێوەی هەماهەنگی لەدوای تویتەکەی موقتەدا سەدر، سەرۆکی ڕەوتی سەدر دێت، کە لە پێنجشەممەی ڕابردوودا بڵاویکردەوە و تیایدا بڕیاریدا بۆماوەیەک لە هاوپەیمانی سێقۆڵی بکشێتەوە و دەرفەت بداتە لایەن و هێزە سیاسییەکان بەبێ کوتلەی سەدر ڕێکبکەون.
لەوبارەیەوە سەرچاوەیەک لە بەغدا بە پۆڵەتیک پرێسی ڕاگەیاند، “شاندەکە بە سەرۆکایەتی نوری مالکی پێکهێنراوە و ڕۆژانە لەگەڵ لایەنە سیاسییەکان کۆدەبنەوە”.
بڕیارە ئەم شاندە سەردانی هەموو هێز و لایەنەکان بکات جگە لە ڕەوتی سەدر، ئامانجی سەرەکی ئەم سەردانانە کۆکردنەوەی کۆدەنگی و گەیشتنە بە ڕێککەوتنێک لەبارەی دۆسیەی پێکهێنانی حکومەتی تەوافقی نیشتمانی.