جۆبایدن پشتگیری خۆی بۆ هەرێمی كوردستان دووپاتدەكاتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

باڵیۆزی ئەمریكا لە عێراق سەردانی سەرۆكی هەرێمی كوردستانی كرد و نامەیەكی جۆ بایدن، سەرۆكی ئەمریكای گەیاندە نێچیرڤان بارزانی كە تیایدا پشتگیری ئەمریكا بۆ عێراق و هەرێمی كوردستان دووپاتكراوەتەوە.

رۆژی چوارشەممە 30ی ئادار، نێچیرڤان بارزانی، سەرۆكی هەرێمی ‏كوردستان، پێشوازیی لە ماتیو تولەر، باڵیۆزی ئەمریكا لە عێراق كرد.‏ بەپێی راگەیەندراوی سەرۆكایەتیی هەرێمی كوردستان، لە كۆبوونەوەیەكدا باڵیۆزی ئەمریكا نامەیەكی سەرۆك جۆ بایدن سەرۆكی ‏ویلایەتە یەكگرتووەكانی ئەمریكای گەیاندووەتە نێچیرڤان بارزانی كە تێیدا ‏جەخت لە پشتگیریی ئەمریكا بۆ عێراق و هەرێمی كوردستان كراوەتەوە.

لە بەشێكی دیكەی راگەیەندراوەكەدا هاتووە، لە كۆبوونەوەكەدا هەردوولا دۆخی سیاسیی عێراق، هەنگاوەكانی پرۆسەی سیاسی و كۆبوونەوەكانی ‏ئەنجوومەنی نوێنەرانی عێراق، دۆخی هەرێمی كوردستان و پرۆسەی هەڵبژاردنەكانی ‏داهاتووی هەرێمی كوردستان، پەیوەندییەكانی هەولێر ـ بەغدا و پێشبینییەكانیان بۆ ‏داهاتووی پرۆسەی سیاسی لە وڵات تاوتوێ كرد.‏

قەیوان گروپ

 


مایۆرکا سیتی جوانییەک لە دڵی سروشتدا