پۆڵەتیک پرێس
ئەمڕۆ شەممە بافڵ جەلال تاڵەبانی لە بەغدا لەگەڵ فراکسیۆنی یەکێتیی نیشتمانیی کوردستان لە ئەنجوومەنی نوێنەرانی عێراق کۆبووەوە.
لە کۆبوونەوەکەدا بافڵ جەلال تاڵەبانی تیشکی خستەسەر دوایین پێشهات و گۆڕانکارییە سیاسییەکان و پەرلەمانتارانی یەکێتی لەسەر دوایین هەوڵەکان بۆ تێپەڕاندنی دۆخی چەقبەستووی عێراق بەرچاوڕوونکرد.
دوایین هەڵوێستی یەکێتیشی وەک هێزێکی بەرپرسیار و پارێزەری مافە نەتەوەییەکانی خەڵکی کوردستان راگەیاند و وتی، یەکێتی هیچ بڕیارێک لەدەرەوەی ئیرادە و بەرژەوەندی گەلەکەمان نادات و هیچ ئیرادەیەکی سەپێنراویش قبوڵ ناکات. بە پشتبەستن بە مێژووی سەربەرزی یەکێتی و گەلەکەمان هەموو هەنگاو و بڕیارێکمان لەپێناو یەکڕیزی و دەستەبەرکردنی مافە رەواکانی میللەتەکەمانە.
هاوکات ئەمڕۆ فراکسیۆنی یەکێتی بایکۆتی داینشتنی ئەنجومەنی نوێنەرانی بۆ هەڵبژاردمی سەرۆک کۆمار لە بەغدا کردووە.