تینوێتی بەردەوام نیشانەیە بۆ ئەم نەخۆشیە

پۆڵەتیک پرێس

نەخۆشی شەکرە نەخۆشیەکی مەترسیدار و درێژخایەنە چەندین هۆکاری جیاواز هەن وادەکەن ڕێژەیەکی شەکری خوێن بەرزبێتەوە و توشی ئەم نەخۆشیە ببیت، کاریگەری لاوەکی زۆری لەسەر جەستە هەیە و هۆکارە بۆ توشبوون بە نەخۆشیەکانی دڵ و جەڵتەی مێشک.

بەشێکی زۆری خەڵک لە سەرەتای توشبوونیان هەستی پێناکەن، بەڵام لەگەڵ دەرکەوتنی نیشانە سەرەتاییەکانی توشبوون بەم نەخۆشیە پێویستە سەردانی پزیشک بکرێت بۆئەوەی چارەسەری گونجاو وەربگیرێت و نەخۆشیەکە زیاتر پەرەنەسەنێت.

نیشانە سەرەتاییەکانی توشبوون بە نەخۆشی شەکرە:

-تینوێتی بەردەوام یەکێکە لە نیشانە سەرەتاییەکانی توشبوون بە نەخۆشی شەکرە، چونکە نەخۆش شەکرە یەکێکە لە هۆکارەکانی وشکبوونەوەی جەستە.

-میزکردنی لە ڕادەبەردەر چەندجارێک زیاتر لەکاتی ئاسایی نیشانەیەکی دیکەیە بەتایبەتی چەندجارێک هەستان بۆ میزکردن لەنیوەی شەودا.

-بەرزبونەوەی ڕێژەی شەکرد لەخوێندا کاریگەرییەکی زۆری لەسەر برینەکانی جەستە هەیە و هۆکارێکە بۆ دڕەنگ سارڕێژبوونی برینەکان.

-یەکێک لە نیشانە سەرەتاییەکانی دیکەی شەکرە ئەوەیە توشبووانی ئەو نەخۆشیە بەردەوام هەست بە برسێتی دەکەن.