پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
مەولود چاوشئۆغڵو رایگەیاند، توركیا ناچار نییە لایەنگری هیچ لایەك بكات لەو شەڕەی لەنێوان رووسیا و ئۆكرانیادا دەگوزەرێت و وتی: توركیا وڵاتێكە دەیەوێت لەگەڵ هەریەك لە رووسیا و ئۆكرانیا، بەردەوامی بدات بە پەیوەندی و رێككەوتنەكانی.
مەولود چاوشئۆغڵو وەزیری دەرەوەی توركیا رایگەیاند: حكوومەتی رووسیا لە پلانیدایە لە ماوەیەكی كەمدا دەست بەسەر چەندین شاری گرنگی ئۆكرانیا دابگرێت و وتی: هەر لە دەستپێكی ئەم شەڕەوە ئێمە لەگەڵ وەستانی شەڕ و راگەیاندنی ئاگربەست بووین و هەوڵیشماندا ئەگەر بۆ ماوەیەكی كاتیش بێت ئاگربەست رابگەیەندرێت، لە پەیوەندی دابووین لەگەڵ بەرپرسانی هەردوو وڵات و سكرتێری گشتیی نەتەوە یەكگرتووەكان، لە بابەتی وەستاندنی شەڕەكەدا لەگەڵ وڵاتانی زلهێزیشدا لە پەیوەندیداین”.
وەزیری دەرەوەی توركیا سەبارەت بە هەڵوێستی توركیا لە بارەی شەڕی نێوان رووسیا و ئۆكرانیا وتی: توركیا وڵاتێكە لەكاتی بوونی هەر شەڕوپێكدادان و گرژی و ئاڵۆزییەكدا لەگەڵ وەستانی شەڕ و چارەسەری قەیرانەكان بووە لە رێگەی دیالۆگ و دانوستانەوە بۆیەش لەو شەڕەی نێوان رووسیا و ئۆكرانیادا نیازی لایەنگریكردنمان نییە لە ئەگەری بوونی هەر هەڵەیەكدا ناچارین بڵێین كە ئەوە هەڵەیە. هێرشی رووسیا بۆسەر ئۆكرانیا پێشێلكردنی یاسا نێودەوڵەتییەكانە.
چاوشئۆغڵۆ پابەندبوونی توركیا بە رێككەوتنی مۆنترۆ دووپاتكردەوە و رایگەیاند: تاوەكو ئەمڕۆ گوتومانە توركیا پابەندە بە رێككەوتنی مۆنترۆ، پێویستە هەموو لایەك ئەوە بزانن كە توركیا تا ئەو كاتەی رێككەوتنی مۆنترۆ كاری پێ بكرێت پێیەوە پابەند دەبێت.
قەیوان گروپ
مایۆرکا سیتی جوانییەک لە دڵی سروشتدا
