پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەندامێکی دەوڵەتی یاسا ڕایگەیاند، “بڕیارە لە چەند ڕۆژی داهاتوودا ڕەوتی سەدر و چوارچێوەی هەماهەنگی هێزە شیعەکان کۆببنەوە”.
فازڵ مەوات، ئەندامی دەوڵەتی یاسا ئاشکرایکرد، “ئەگەر لێکتێگەیشتنی گشتی نێوان هێز و لایەنەکان نەبێت، دانیشتنی پەرلەمان بەڕێوەناچێت و ئەو دانیشتنە بایکۆت دەکەین”.
وتیشی، “بۆ ئەم مەبەستەش بڕیارە لە چەند ڕۆژی داهاتوودا ڕەوتی سەدر و چوارچێوەی هەماهەنگی کۆببنەوە و لەسەر چارەسەرێك ڕێکبکەون”.
جەختی لەوەشکردەوە، هاوپەیمانی سێقۆڵی ڕەوتی سەدر حکومەتی پێپێکناهێنرێت، چونکە چوارچێوەی هەماهەنگی 128 کورسی هەیە و گەر بایکۆتی دانیشتنەکەی پەرلەمان بکات ئەوا دانیشتنەکە بەڕێوەناچێت.