روسیا هێرشی سەربازی بۆ سەر ئۆكرانيا دەستپێكرد

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆكی روسیا هێرشی سەربازی بۆ سەر ئۆكرانیا راگەیاند و هەڕەشەش لە هەر وڵاتێك دەكات دەستوەردان بكات و دەڵێت، هەر وڵاتێك دەستوەربدات لە هێرشەكەی باجی وا دەدات هەرگیز نەیبینیبێت.

بەیانی ئەمڕۆ پێنجشەممە 24-2-2022 ڤلادیمیر پوتین، سەرۆكی روسیا لە وتارێكی تەلەڤزیۆنیدا رایگەیاند، بەرپرسیارییەتی خوێنڕشتن دەكەوێتە ئەستۆی حكومەتی ئۆكرانیا و وتی: ئەم ئۆپەراسیۆنەشی لە وەڵامی ئەو هەڕەشانە راگەیاندووە كە لە ئۆكرانیاوە دێن.

ئەم بەیانییە لە كیێڤی پایتەختی ئۆكرانیا دەنگی تەقینەوە بیستراون و دواتریش كامێراكان دیمەنی بڵاوبوونەوەی دووكەڵیان بە ئاسمانی پایتەختی وڵاتەكە بڵاوكردەوە.

بەپێی هەواڵی ئاژانسەكانی جیهان، هێرشەكەی روسیا سەرەتا بە هەڵدانی موشەك بۆ سەر بەشێكی زۆری شارەكانی ئۆكرانیا دەستی پێكردووە و دواتر بە چەكی قورس و سوك هێرشی كردووەتە سەر سنوورەكانی ئەو وڵاتە.

وەزارەتی بەرگری روسیاش باسی لەوەكردووە:” هێرشەكانیان بە هەڵدانی موشەك بۆسەر شارەكانی ئۆكرانیا درێژە پێنادەن، بەڵكو بە چەكی پێشكەوتوو هێرش دەكەینە سەر سوپاكەی”.

سەرۆكی ئۆكرانیاش داوا لەهاولاتییانی ولاتەكەی دەكات لە ماڵەكانیان بمێننەوە.