رۆمانیا ئامادەكاری بۆ وەرگرتنی نیوملیۆن ئاوارەی ئۆكرانیا دەكات

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ڤاسیل دینكو وەزیری بەرگری ڕۆمانیا ڕۆژی سێشەممە 22_2_2022رایگەیاند، ڕۆمانیا ئامادەكاری دەكات بۆ وەرگرتنی زیاتر لە نیو ملیۆن پەنابەر لە ئۆكرانیا لە ئەگەری هێرشی سەربازی روسیا بۆ سەر ئۆكرانیا.

ڤلادیمیر پوتین سەرۆكی ڕوسیا فەرمانی بە ناردنی سەرباز بۆ دوو ناوچەی ڕۆژهەڵاتی ئۆكرانیا كرد دوای ئەوەی ڕۆژی دووشەممە سەربەخۆیی هەردوو ناوچەكەی ڕاگەیاند، ئەمەش قەیرانەكان خێراتر دەكات و ترسی ڕۆژئاوا لە ئەگەری شەڕێكی نزیك قوڵتردەكاتەوە.

ئاژانسی پەنابەرانی سەر بەنەتەوە یەكگرتووەكان ڕۆژی سێشەممە رایگەیاند: هیچ جموجۆڵێكی زۆری خەڵكی نەبینراوە كە لە ئۆكرانیا هەڵبێن، بەڵام حكومەت و شارۆچكەكانی ئەوروپای ڕۆژهەڵات لە نزیك سنووری ئۆكرانیا ئامادەكاری دەكەن بۆ وەرگرتنی خەڵك، ئەگەر پێویست بێت.

دەشڵێت ئێمە چاوەڕوانی ئەوە ناكەین كە ئێستا ژمارەیەكی زۆر لە پەنابەران هەڵبێن.
ڕۆمانیا، كە ئەندامێكی یەكێتی ئەوروپا و ناتۆیە، 600 كیلۆمەتر سنوری لەگەڵ ئۆكرانیا هەیە.

قەیوان گروپ

 


مایۆرکا سیتی جوانییەک لە دڵی سروشتدا