كۆمسیۆنی ئەوروپا هۆشداری توند دەداتە روسیا

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە دووەم ڕۆژی كۆنگرەی ئاسایشی میونشن، ڕاوێژكاری ئەڵمانیا ڕایگەیاند، هەر دوژمنكارییەكی روسیا بۆ سەر ئۆكرانیا دەبێتە هەڵەیەكی گەورە، سەرۆكی كۆمسیۆنی ئەوروپاش ڕایگەیاند پێشهاتەكانی ڕەوشی ئۆكرانیا دەبنە مەترسی لەسەر تەواوی سیستمی جیهانی.

كارەكانی كۆنگرەی ئاسایشی میونشن بەردەوامە و لە دووەم ڕۆژی كۆنفرانسەكەدا، ئۆلاڤ شۆڵتر وتەیەكی پێشكەشكرد و جەختیكردەوە لە پێویستی سەربەخۆیی دیپلۆماسییەتی ئەوروپا و ڕایگەیاند، پێشبینی ناكرێت بەرەو پێشچوونی خێرا ناكەن، بەڵام دەتوانن قەیرانی ئۆكراین ڕابگرن.

وتیشی، هەر دوژمنكارییەكی روسیا بۆ سەر ئۆكرانیا هەڵەیەكی گەورەیە.

لەلایەكی دیكەوە ئۆرسۆلا ڤۆندرێر لایەن سەرۆكی كۆمسیۆنی ئەوروپا ڕایگەیاند، پێشهاتەكانی قەیرانی ئۆكرانیا بووەتە مەترسی بۆ سەر تەواوی سیستمی جیهانی.

باسی لەوەشكرد، ئەگەر روسیا هێرش بكاتە سەر ئۆكرانیا كۆمەڵێك سزای توندی بەسەردا دەسەپێنن، هۆشداریشدایە روسیا ئەگەر ئۆكرانیا داگیر بكات داهاتوویەكی گەشاوەی نابێت.

ئەمریكا هۆشداریی داوە كە رووسیا بەنیازە لەم چەند رۆژەدا هێرش بكاتە سەر ئۆكرانیا، ڤلادیمیر پووتینی سەرۆكی رووسیا ئەمڕۆ شەممە خۆی چاودێریی مانۆڕە سەربازییەكانی وڵاتەكەی لەسەر سنووری ئۆكرانیا دەكات، ئەمڕۆش فەرماندەی هێزە هاوبەشەكانی رۆژهەڵاتی ئۆكرانیا گیانلەدەستدانی سەربازێكی وڵاتەكەی بەهۆی بۆردوومانی فڕۆكەوە راگەیاند.

قەیوان گروپ

 


مایۆرکا سیتی جوانییەک لە دڵی سروشتدا