مستەفا كازمی و ئیبراهیم رەئیسی پەیوەندییەكانی هەردوو وڵات تاوتوێدەكەن

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

مستەفا كازمی سەرۆك وەزیرانی عێراق و ئیبراهیم ڕەئیسی سەرۆك كۆماری ئێران لە پەیوەندیەكی تەلەفۆنیدا، پەیوەندیەكانی نێوان هەردو وڵات و چۆنیەتی بەهێزكردنی زیاتری پەیوەندییەكانیانتاوتوێكرد.

نووسینگەی سەرۆك وەزیرانی عێراق راگەیەندراوێكی دەربارەی ناوەڕۆكی پەیوەندییە تەلەفۆنییەكە بڵاوكردەوە و تێیدا هاتووە، رۆژی شەممە 5_2_2022 مستەفا كازمی لە پەیوەندیەكی تەلەفۆنیدا لەگەڵ ئیبراهیم رەئیسی پەیوەندیەكانی نێوان هەردو وڵاتیان تاوتوێكرد و جەختیان كردەوە لەسەر چۆنیەتی فراوانكردنی هەماهەنگی و هاوكاری نێوان هەردو وڵات لەبوارە جیاجیاكاندا.

ئاماژە بەوەشدراوە، لەمیانەی ئەو پەیوەندییە تەلەفۆنییەدا مستەفا كازمی سەرۆك وەزیران جەختی لەسەر بەهێزكردنی پەیوەندییەكانی نێوان عێراق و كۆماری ئیسلامی ئێران كردەوە.

لای خۆیەوە ئیبراهیم ڕەئیسی سەرۆك كۆماری ئێران ستایشی هەوڵەكانی عێراقی كرد بۆ نزیككردنەوەی بۆچونەكان و پتەوكردنی ئارامی و ئاسایشی ناوچەكە.