سەرۆکایەتی هەرێم ئیدانەی هێرشەکەی فڕۆکەخانەی بەغدا دەکات

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆکایەتی هەرێمی کوردستان سەرکۆنەی هێرشە موشەکیەکەی سەر فڕۆکەخانەی بەغدا دەکات و ڕایگەیاند، بوونی مه‌ترسی و هه‌‌ڕه‌شه‌‌ له‌سه‌ر ئاسایشی فڕۆکه‌خانه‌، زیانێکی زۆر له‌ عێراق ده‌دات.

ئەمڕۆ هەینی سەرۆکایەتی هەرێمی کوردستان ڕایگەیاند، “سه‌رکۆنه‌ی به‌ئامانجگرتنی فڕۆکه‌خانه‌ی به‌غدا به‌ مووشه‌ک ده‌که‌ین. به‌رده‌وامیی هه‌وڵه‌کانی تێکدانی ئارامی و سه‌قامگیری په‌ره‌سه‌ندنێکی مه‌ترسیداره‌ و ده‌بێ ڕێگه‌ی لێ بگیرێت”.

وتیشی: بوونی مه‌ترسی و هه‌‌ڕه‌شه‌‌ له‌سه‌ر ئاسایشی فڕۆکه‌خانه‌، زیانێکی زۆر له‌ عێراق و ناو و پێگه‌ی ده‌دات.

بەیانی ئەمڕۆ سەرچاوەیەکی ئەمنی ڕایگەیاند، فڕۆکەخانەی بەغدا لەڕێی شەش موشەکەوە کراوەتەئامانج و بەهۆیەوە زیان بەر ژمارەیەک فڕۆکە کەوت.