پۆڵەتیک پرێس
شویت یەکێکە لە سەوزەواتە بەناوبانگەکان لە بەشێکی زۆری خواردنەکاندا بەکاردەهێنرێت، سوودێکی تەندروستی زۆری بۆ تەواوی جەستە هەیە، لەگەڵ ئەوەشدا چەندین سوودی سەرسوڕهێنەری بۆ پێست و قژ هەیە.
شویت دەوڵەمەندە بە ڤیتامین، کانزا، دژەئۆکسان و ڕیشاڵەکان، لە دروستکردنی بەشێکی زۆری بەرهەمەکانی قژ و پێستدا بەکاردەهێنرێت، چەندین سوودی سەرسوڕهێنەری بۆ قژ هەیە ئەوانیش:
-بریقە و ڕەونەق بە قژ دەبەخشێت
-چارەسەری وشکی قژ دەکات
-ڕێگری لە هەڵوەرینی و تێکشکانی قژ دەکات
-یارمەتی بەهێزبوون و گەشەی قژ دەدات
-چارەسەری کڕێش دەکات
-پێستی سەر دەپارێزێت و ڕێگری توشبوونی بە بەکتریا و کەڕووەکان دەکات
-شویت یارمەتی پڕبوون و درێژبوونی قژ دەدات
شێوازی ئامادەکردن و بەکارهێنانی شویت بۆ قژ:
گەڵای شویت لەگەڵ ئاودا بکوڵێتە بەپێی درێژ و کورتی قژەکە چەنێکی دەوێت دواتر بیپاڵیوە، دوای ئەوەی لە گەرماو قژت بە شامپۆ و ئاو شت ئەو ئاوی شویتە لە پێستی سەر و قژەکە بدە و وازی لێبێنە تا وشک دەبێتەوە، بۆئەوەی سووددەکانی شویت بۆ قژ بەدەست بهێنیت پێویستە لە هەفتەیەکدا سێ جار ئەم کارە بکەیت.