قوباد تاڵەبانی و كونسوڵی گشتی بەریتانیا گۆڕانكارییە سیاسییەكان تاوتوێدەكەن

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قوباد تاڵەبانی جێگری سەرۆكی ئەنجومەنی وەزیران لەگەڵ دەیڤد هانت كونسوڵی گشتی بەریتانیا لە هەرێمی كوردستان كۆبۆ‌وە و دوایین گۆڕانكارییەكانی گۆڕەپانی سیاسی هەرێمی كوردستان و عێراقیان تاوتوێكرد.

لەو دیدارەدا تاوتوێی دوایین گۆڕانكارییەكانی سەر گۆڕەپانی سیاسی هەرێمی كوردستان و عێراق كرا بەتایبەت پرسی پێكهێنانی حكومەتی نوێی عێراق و یەكلاكردنەوەی پۆستەكان.
هەردوولا كۆك بوون لەسەر ئەوەی پێویستە بە گرتنەبەری رێگای دیالۆگی بنیاتنەرانە هەوڵی لێكنزیككردنەوەی بۆچوونی لایەنە سیاسیەكان بدرێت و چەمكی تەوافوق و كاری پێكەوەیی بكرێتە بنەمای كاركردن بۆ پێكهێنانی حكومەتێكی نوێی خزمەتگوزار.

لە بارەی رۆڵی كوردەوە، هەردوولا جەختیان لەسەر گرنگی یەكریزی كورد لە بەغداد كردەوە بەجۆرێك كەماف و شایستە دەستورییەكانی هەرێم بكرێتە ئەولەویەتی دانوستانەكان.

لە تەوەرێكی تری ئەو دیدارەدا گفتوگۆكرا لەبارەی پەیوەندی دوولایەنەی نێوان هەرێمی كوردستان و بەریتانیا، لەوبارەیەوە جەخت لەسەر هەوڵەكان بۆ پەرەپێدانی ئەو پەیوەندییانە لەهەموو بوارەكاندا كرایەوە.

پەخشی راستەوخۆی رادیۆ پۆلەتیک