قائیمقامی پێنجوێن: رێگای 50% ی گوندەكان داخراون و چاوەڕوانی رەحمی خواین

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قایمقامی قەزای پێنجوێن رایگەیاند، بە هۆی كەش و هەواو پێنج كاتژمێر كارەبایان كەم كردووینەتەوە و رێگەی لە 50% ی گوندەكانیشمان داخراون، بۆ ئامادەكاری شەپۆلی نوێی سەرماو سۆڵەش وتی: چاوەڕوانی رەحمی خواین.

زانا عەبدولرەحمان، قایمقامی قەزای پێنجوێن بە پۆڵەتیك پرێسی ڕاگەیاند: بارودۆخی قەزای پینجوێن بەهۆی ئەو شەپۆلی بەفربارینەی ڕووی لە ناوچەكە كردبوو باش نیە و لە ئێستاشدا پێنج كاتژمێر كارەبای نیستیمانیان لێكەم كردوینەتەوە و ماوەی هەشت ڕۆژە ڕێگەی گووندەكانی (بایەڵان- شێرە-چاش-عاواڵان) و چەند گوندێكی تر داخراون، بەشێوەیەكی گشتی لە50% ی رێگەی گوندەكانمان داخراون.

قائیمقامی پێنجوێن وتی: بەهۆی كەمی و كۆنی ئامێرەكان ناتوانین شەقامەكان راماڵین، بۆ ئەم گرفتانەش لە رێگەی كەسایەتییە ئیدارییەكان و كەسانی ئایینی قسەمان لەگەڵ سەرجەم لایەنە پەیوەندیدارەكان كردووە تا گرفتەكانمان چارەسەر بێت.

سەبارەت بە ئامادەكارییەكان بۆ شەپۆلی نوێی بەفربارین كە پێشبینی دەكرێت لە چەند ڕۆژی داهاتوودا ڕوو لە هەرێمی كوردستان بكات وتی: “چاوەڕێی ڕەحمی خواین ئەگینا ئامادەكاری لەمە باشتر نابێت كە ئێستا هەیە”، داواكارم كارەباكەمان چاككەنەوە و سوتەمەنی زیاتر دابین بكرێت و تیمی زیاتر ڕەوانەی ناوچەكە بكرێت.

لە چەند رۆژی رابردوودا بەهۆی بەفربارینی زۆر و دابەزینی پلەكانی گەرما، سەرماوسۆڵەیەكی بەهێز ناوچە جیاجیاكانی هەرێمی كوردستانی گرتەوە و سەرماكەی پێنجوێنیش ڕیكۆردی شكاند و شەوی رابردوو، ڕیكۆردێكی نوێی كوردستانی تۆمار كرد كە24 پلە ژێر سفر بوو.

پەخشی راستەوخۆی رادیۆ پۆلەتیک