وەزارەتی پەروەردەی پشووی ناوەندەكانی خوێندنی درێژكردەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی پەروەردەی حكومەتی هەرێم رایگەیاند پاش هەڵسەنگاندنی ( وەزارەتی گواستنەوە و گەیاندن / بەڕێوەبەرایەتی گشتیی كەشناسی و بومەلەرزەزانی هەرێم) بەمەبەستی پاراستنی سەلامەتی گیانی مامۆستایان و قوتابیان و خوێندكاران لە دابەزینی پلەكانی گەرمی لە سەرجەم ناوەندەكانی خوێندنی ( حكومی – ناحكومی ) پشوو دەبێت تا رۆژی یەكشەممە 30_1_2022 واتا رۆژی یەكشەممە پشوو دەبێت.

لە راگەیەندراوەكەی وەزارەتی پەروەردەدا هاتووە، بەمەبەستی پاراستنی سەلامەتی گیانی مامۆستایان و قوتابیان و خوێندكاران لە دابەزینی پلەكانی گەرمی پاش هەڵسەنگاندنی ( وەزارەتی گواستنەوە وگەیاندن / بەڕێوەبەرایەتی گشتیی كەشناسی و بومەلەرزەزانی هەرێم، بریارماندا :

1. لە سەرجەم ناوەندەكانی خوێندنی ( حكومی – ناحكومی ) پشوو دەبێت تا رۆژی یەكشەممە 31_1_2022 واتا رۆژی یەكشەممە پشوو دەبێت.

2. ئەو هەڵسەنگاندن و تاقیكردنەوانەی وەرزی یەكەم كە ئەنجام نەدراون لە رۆژی دووشەممە31_1_2022 دەستپێدەكرێتەوە، كارگێری ناوەندەكانی خوێندن خشتەی ئەو تاقیكردنەوانەی كەماون بۆ قوتابیان و خوێندكاران رادەگەیەنن بەمەرجێك بەیانیان لەكاتژمێر9:30 ی بەیانی دەستپێبكات، پاش ئەنجامدانی ئەو تاقیكردنەوانەی كە ماون خوێندنی وەرزی دووەم دەستپێدەكات .

3. قوتابخانەكانی (سابیس ) و (نێودەوڵەتییەكان) و (بیانییەكان ) كە پرۆگرامی تایبەتیان هەیە دەتوانن تا وادەی ئاماژەپێكراو بە شێوازی خوێندنی ئۆنلاین بەردەوام بن.

4. ئەنجومەنی وەزارەتی پەروەردە بۆ قەرەبووكردنەوەی ماوەی لەدەستچوو ، ساڵنامەی خوێندن هەموار دەكاتەوە.

پەخشی راستەوخۆی رادیۆ پۆلەتیک