پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لیژنەی فریاگوزاری سلێمانی هاوڵاتیان و شۆفێران ئاگاداردەکاتەوە کە هێشتا شەقامەکانی ناو شار و دەرەوەی شار بەستەڵەکە و ڕێگاکان سەلامەت نین.
ئەمڕۆ هەینی لیژنەی فریاگوزاری سلێمانی ڕایگەیاند، “هاوڵاتیان و شۆفێرانی بەڕێز ئاگاداردەکەینەوە کە هێشتا شەقامەکانی ناو شار و دەرەوەی شار بەستەڵەکە و مەترسی ڕووداوی هاتوچۆی هەیە تکا و داوامان لە شۆفێران ئەوەیە بە هیچ جۆرێک لە ماڵەکانیان نەیەنە دەرەوە”.
ئاشکراشی کرد، “تکادەکەین شۆفێری نەکەن چونکە هیچ ڕێگایەک سەلامەت نییە تا چەند کاتژمێری داهاتوو ،با تووشی ڕووداو و کارەساتی هاتووچۆیی نەبن”.
لیژنەی فریاگوزاری سلێمانی ئاماژەی بەوەشکرد، لە حاڵەتی پێویستدا دەتوانن پەیوەندی بکەن بە:
ژمارە 100 سەنتەری هەماهەنگی هاوبەش / پارێزگای سلێمانی P.JCC
ژمارە 188 کۆنترۆڵی هاتووچۆ
ژمارە 115 بەرگری شارستانی
ژمارە 122 فریاگوزاری تەندروستی